Samantala…
Sa isang tahimik na bahagi ng lungsod ay nakatayo ang isang malaking mansion na matagal nang hindi nakikita ng publiko.
Ito ang dating bahay ng pamilya ni Karah.
Ang bahay kung saan siya lumaki.
Ang bahay kung saan naroon ang halos lahat ng alaala ng kanyang pagkabata.
Ngunit ngayon—
hindi na ito ang dating mansion na iniwan niya.
Matataas na bakal na gate ang nakapalibot dito.
May mga bagong security camera sa bawat sulok ng bakuran.
At ang dating simpleng disenyo ng bahay ay napalitan na ng mas moderno at mas elegante na istruktura.
Habang nasa Valerioso Palace pa siya nakatira ay palihim na niyang pinapagawa ang ilang bahagi ng bahay.
Noong mga panahong iyon ay hindi niya alam kung bakit niya ginagawa iyon.
Isang pakiramdam lamang na baka balang araw ay kakailanga
