LINGGO ng umaga nang nagdesisyon sina Gianna at Dominic na bumalik na ng Maynila dahil malayo pa ang biyahe nila.
"Anak, mami-miss ka namin. Matagal uli bago ka namin makikita," anang itay niya. Halos maluha siya. Sigurado siyang matagal talaga uli. Dahil sigurado ay ipagbubuntis na niya ang magiging anak nila ni Dominic.
"'Tay naman!" maktol niya. Ayaw niyang sa ganoong sitwasyon sila maghihiwalay. Naluluha na siya ng mga sandaling iyon. "Para naman pupunta ako sa ibang bansa. Diyan lang naman ako sa Manila!"
"Iyon na nga!" sabad ng kanyang inay. "D'yan ka lang sa Maynila, madalang ka pa kung umuwi."
"Di ho bale, 'pag may oras ho kami. Dadalaw kami rito," singit ni Dominic.
"That's my, Kuya!" sigaw ni Len-Len. Kumindat naman si Dominic dito. Halatang close na close na ang dalawa.
"A
