Nagpalinga-linga muna si Rafael sa buong paligid bago siya bumaba sa kanyang sasakyan. Magkikita sila ng mga kaibigang sina Narding at Tisoy. Alam ng mga ito na buhay siya at tanging sila lamang ang nakakaalam noon, maaaring halang ang mga bituka ng mga ito pero marunong silang magpahalaga ng brotherhood nila. Nagpasya siyang sabihin sa mga ito na buhay pa siya dahil na rin sa gusto niyang makibalita sa dalawa. Isinuot niya ang itim na sumbrero bago pumasok sa maliit na bahay na naging tagpuan nilang magkakaibigan.
"Narito na si Rafael, Tisoy!" ani Narding ng makita siya. Nagkamay silang tatlo bilang pagbati. Matamang pinagmasdan ni Rafael si Narding, nangangalumata ito, makapal ang bigote at balbas at mahaba na rin ang buhok. Halos hindi na nga yata ito naliligo dahil iba na rin ang amoy
