Kinabukasan ay kasama niya si Mang Ipe na nagtungo sa police station kung saan nakadetain si Dexter pansamantala. Naroon sila para pormal na maghain ng kaso laban sa binata. Bitbit nila ang cctv footage na galing sa stockroom bilang ebidensya sa ginawang kahalayan ng binata. Hindi niya sana isasama ang ama sa pagtungo sa pulisya ngunit naging mapilit ito simula nang makumpirma niya na si Dexter nga ang umatake sa kanila noong araw.
"Miss Espijo, good morning po!" magalang na bati sa kanya ng pulis. Nakipagkamay sila rito at tahimik silang naupo sa silya. Ibinigay nila rito ang ebidensyang magdidiin kay Dexter, maging ang statement na Mang Ipe sa naunang pagtatangka ng binata. Napag-alaman rin nila na may kaso rin pala ang binata galing sa ibang babae na minolestiya nito. Kaya pala ito wal
