Bitbit ni Lorraine ang record book nang pumasok siya sa loob ng stock room, punong-puno iyon ng mga bagong gawang sabon, make-up at kung anu-ano pa. Abot yata sa kisame ng building ang pagkakapatong ng mga products mula sa isang paleta. Dahil sa maraming rush orders ay hindi na rin sila magkanda-ugaga sa mga ito. Nakakapagod talaga lalo na at nagsisimula pa lang naman talaga sila at hindi pa sila ganoon kalaking kumpanya. Gayunpaman ay kailangan nilang ibigay ang best nila para sa lalong paglago ng SKIN MATTERS. Nagsimula siyang mag inventory mula sa bungad dahil iyon ang unang hahakutin ng kanilang delivery truck bukas ng madaling araw. Dahil sa sobrang abala sa ginagawa ay hindi niya na namalayang malapit na siya sa dulo.
Bigla siyang natigilan nang biglang mamatay ang ilaw sa buong sto
