"Lorraine."
Napalingon siya nang marinig ang pagtawag ni Alonzo sa kaniya. Kakatok na sana siya sa kuwarto ni Esteban.
Gusto niya itong kumustahin pagkatapos tamaan ng bala. Gusto niya sana na siya ang maglinis sa sugat nito, pero nag-insist ito na okay lang at daplis ng bala lang naman kaya ito na mismo ang maglilinis.
Hindi niya pa rin maiwasan na hindi mag-alala. Nakagat niya ang ibabang labi. Dapat hindi siya nakakaramdam ng ganito pero nakokonsensya siya.
"Hi, Alonzo... Kumusta ang sugat niya?"
"Daplis lang naman. Nothing to worry."
"Ganoon ba? Tulog na ba siya nang iwan mo?" She wanted to see him.
Bumuntonghininga si Alonzo. Seryoso ang mukha nito at parang may gustong sabihin pero hindi lang nito magawang magsalita.
"He's drinking. Mas mabuti pa sigurong magpahinga ka na
