Nagpalit nga siya ng damit at ang isinuot niya ay isang sexy black halter dress. Halos umabot sa tuhod niya ang haba ng damit pero binawi naman sa slit na kulang na lang makita na ang singit niya.
Hindi na niya binago ang ayos ng buhok pati ang make-up. At alas sais pa lang ng gabi ay lumabas na siya ng silid para magtungo sa kwarto ni Esteban.
Ngunit nagulat siya dahil kalalabas niya lang ay may kumaladkad na sa kaniyang babae papasok sa bakanteng silid. Hindi na niya nagawang umimik dahil sa bilis ng pangyayari.
"What the–"
"Huwag kang maingay, Lorraine," awat ng babae sa anumang sasabihin niya.
Napatitig siya rito nang matagal bago napagtanto na ito ang babaeng nagbigay sa kaniya ng mensahe na galing kay Nate.
"I-ikaw?" bungat niya sa mahinang boses.
"May pinapasabi si Nate na
