“Nandito na tayo, Ma’am.”
Napamulat ako ng aking mga mata nang marinig ang sinabi ng driver. Sa buong biyahe mula airport ay sinubukan kong umidlip, ang kaso, sa hindi malamang dahilan ay gising na gising ang diwa ko at kahit anong pikit ko, hindi man lang ako nakatulog.
Pagkabayad ko sa driver ay kinuha ko ang isang maliit na duffel bag na may lamang ilang pares ng damit na gagamitin ko sa isang araw na pananatili sa lugar.
“Ate Rachelle!”
Napatingin ako agad kay Dominic na tumatakbo patungo sa akin. Sa kaniyang likuran naman ay naroon si Kuya Dashiel. Mukhang katatapos lang ng mga ito na maligo. Basa pa kasi ang mga buhok nito at may towel pa na nakasampay sa balikat ni Kuya Dash.
“Akala ko ba hindi ka sasama? Bakit sumunod ka?” puno ng kursiyusidad na tanong ni Kuya Dashiel.
N
