PAGKAPASOK NI Bea sa kaniyang silid ay kaagad siyang binalot ng lungkot. Pakiramdam niya, sa bawat sulok ng silid naito ay makikita niya si Basty. Ang ngiti at pagkamangha nito sa mukha habang hawak ang clear folder niya ay malinaw niyang naaalala sa kaniyang isip.
Huminga siya nang malalim. Hindi siya dapat magpadaig sa lungkot. Gagaling si Basty at muli niyang makikita ang gwapo nitong mukha. Gagaling ito upang makasama pa nila nang matagal.
Wala sa sariling nakita ni Bea ang kaniyang dating ginagamit na bag na nakalagay sa kaniyang tokador. May nakalabas na kulay dilaw doon na kung ano. Dinampot niya ang bag saka naupo sa gilid ng kama saka nilabas ang lahat ng laman niyon
Nakita ni Bea ang kaniyang organ donor card na inabot sa kaniya ni Nurse Jo noong nakaraan. Maingat niyang bin
