Nakatulala ako at hindi mapakali habang hawak ang pregnancy test na binili ko sa pharmacy kanina.
Ilang araw na kasi akong may ibang nararamdaman sa katawan ko at medyo nag-aalala ako dahil nalalapit na ang kasal namin ni Zel.
Makalipas nga ang halos isang buwan na paghahanda para sa kasal namin ay ikakasal na kami sa susunod na linggo. Minadali talaga ng pamilya ni Zel pati na din niya ang pag-aayos ng lahat ng kailangan.
Pero heto ako at hindi man lang makapagsabi sa kanila na may iba akong nararamdaman sa katawan ko ng mga nakalipas na araw. Kahit ang katawan ko ay napapansin ko na parang tumataba ako. Ang dibdib ko lumalaki at parang mabigat nitong mga nakalipas na linggo.
Kung hindi ko lang nakita noon si Habi noong nagbubuntis siya, iisipin kong may problema ako sa kalusugan. Na
