Dumating ang mga magulang ni Larry sa bahay ng mga ito, at agad na silang ipinakilala ng binata sa isa't-isa. Napansin niyang mukhang istrikto ang nanay ng binata, dahil sa tinitigan pa siya ng ginang mula ulo hanggang paa at mahahalata sa reaction ng mukha na hindi siya nito gusto.
"Ah mang, pang--eto nga pala ang nobya kong si Lenna at kaibigan niyang si Brianna." pakilala sa kanila ni Larry sa mga magulang nito.
"Ikinagagalak namin kayong makilala, iha---welcome sa aming munting tahanan." nakangiting saad ng papa nito na makikita ang pagiging warm sa kanila, taliwas sa asawa nito na kanina pa naka-ismid.
"Taga saan ka ba?" mataray ang tinig na tanong ng mama ni Larry kay Lenna na dahilan kung bakit mas lalo siyang nakaramdam ng pagka-asiwa.
"P-Po? Taga Manila lang po ako--pero 'yung
