“Ano bang nangyayaro sayo, Tong. Bakit ba napapansin kong para kang balisa at hindi mapakali. May problema ka na naman ba sa pagpapagamot sa nanay mo?” mga tanong ni Vekvek dahil napansin niya na nga na iba ang kilos ng kinakasama.
Para bang wala lagi sa sarili si Tongtong. Wala itong kibo. Natutulala at kahit kausapin niya ay hindi ito sumasagot.
“Wala naman,” tipid na sagot ni Tongtong na kinagat-kagat pa ang dulo ng daliri.
“Anong wala? Meron kang problema, Tong. Bakit ayaw mong sabihin sa akin para matulungan kita kung ano man yan. At saka, bakit nag-iba ang kinikilos mo? Para kang pusan hindi mapaanak sa ginagawa mong naglalakad ka, tumatayo at umuupo na lang sa kung saang sulok. Akala mo ba ay hindi kita napagmamasdan? Kapag kinakausap tayo ni Sir Ben ay tahimik ka lang at walang
