Pagkatapos naming kumain ng meryenda ay nagpaalam ako saglit kay Vladimir.
"Labas lang ako saglit. May naiwan yata ako sa kotse. Babalikan ko lang."
"Ganun ba? Samahan na kita--"
"Hindi na!" Mabilis na sabi ko.
"Sigurado ka?" Nakakunot pa ang noo na paninigurado niya.
"O-oo. Mabilis lang ako. Babalik din ako kaagad," nginitian ko pa siya bago ako tuluyang lumabas.
Lumingon pa ako at tiningnan siya sa likuran ko kung sumunod ba siya o hindi. Ngunit ng makita kong wala siya ay nagmadali na akong kunin ang cellphone. Itinago ko ito sa gilid ng upuan nung huling gamit ko para makasiguro akong walang makakakita. Siguro naman ay may load ito. Hindi naman siguro nagpapawala ang goons na yun!
Pagkakuha ko ng cellphone ay pumasok ako sa loob ng sasakyan. Sinubukan ko agad i-dial ang nume
