Kinabukasan.
Wala na si Vladimir sa tabi ko. Bumangon ako at tinupi ang kumot na ginamit ko. Sa banig kami magkatabing natulog ngunit wala naman siyang ginawang labag sa kalooban ko. Malamig kahit walang aircon kaya napasarap din ang tulog ko.
Lumabas ako ng pintuan. Dumiretso ako sa nakahiwalay na kusina nila at nakita ko si Tatang Anselmo na naghahanda ng kanyang lulutuin. May hinihiwa siyang mga gulay-gulay na sa tingin ko ay kinuha niya sa paligid.
"Ano po yan?" Paunang tanong ko. Hindi ko kasi alam ang tawag sa mga dahon na hinihiwa niya.
"Ikaw pala, hija. Mga dahon lang ito ng malunggay at ampalaya. Ilalahok ko doon sa pinakuluan ko sa bawang na kalabasa at sitaw. Masarap ito. Tiyak kong magugustuhan mo." May pagmamalaking sabi pa niya. Napalunok naman ako dahil first time ko
