- PRINCESS WENDYRELLA -
"Anak, hindi pa ba sumasakit ang mata mo?"
Hindi ko namalayan na nakadungaw na pala ang ulo ni naynay sa pintuan ng kuwarto ko. "Bakit po?"
"Kanina ka pa nakatitig diyan sa picture ng Prince Caleb mo."
Kilala niya si Caleb. Panay kasi ang kuwento ko tungkol sa kaniya. Hindi naman kasi ako naglilihim sa naynay ko. Kaming dalawa na nga lang ang magkasama, maglilihiman pa ba kami?
"Hindi, Naynay. Never sasakit ang mata ko kung si Prince Caleb ang makikita ko," I smiled.
Tuluyan na niya binuksan ang pintuan ng kuwarto ko at pumasok. Umupo siya sa gilid ng papag.
"Binago mo pala ang puwesto ng mga gamit mo. Kanina ko lang napansin nang maglinis ako rito."
"Kahapon ko lang naman po binago, Nay. Napansin ko kasi ang sirang kisame na nakatapat sa higaan ko kaya inib
