CHAPTER 43
NAKAKUNOT ANG noo ni Frix habang nakatingin sa anak na kumakain ng ice cream. Nilapitan ito ni Antheia nang mapansin niyang hindi maganda ang mood nito mula pa kanina nang sabihin niya rito kung ano ang nais na gawin ni Chelsy.
Nagulat ito kagaya niya ngunit halatang hindi nagustuhan ang hiling ng bata.
Tinaas ni Antheia ang kamay upang haplusin ang kilay nitong magkasalubong. Ngumiti siya rito nang magkasalubong ang kanilang mga mata. "Nakakunot na naman ang noo mo saka salubong ang mga kilay." Sinapo ni Antheia ang mga pisngi nito. "Alam ko na nagagalit ka. Masama ang loob pa nga, di ba?" Tiningnan lang siya nito. "Pero isipin mo, hindi natin hawak ang kasiyahan ni Chelsy." Lumingon silang dalawa ni Frix kay Chelsy.
Nakita nilang ngumiti ito habang kumakain
