CHAPTER 42
MADILIM NA SA labas nang magising Antheia. Bakante ang pwesto sa gilid niya kaya naman naidilat niya kaagad ang mga mata. Luminga siya sa paligid ng buong silid. Noon niya naalalang nasa hotel nga pala sila kung saan sila nag-honeymoon ni Frix.
Bumangon siya mula sa pagkakahiga hanggang sa makaupo. Nakita niya ang cellphone niyang nasa ibabaw ng nightstand kaya kinuha niya iyon. Alas-siyete ng gabi. Hindi niya matandaan kung ilang oras din siyang nakatulog kaya naman kumakalam na ang kaniyang sikmura.
May text message si Frix. May pinuntahan lang daw ito na business matter. Nag-reply siya rito at sinabing mag-iingat at bumalik kaagad.
Tumayo siya at nagtungo sa banyo. Nanlalata pa rin siya kahit na napahaba ang kaniyang tulog. Nang matapos siyang mag-ayos ng sari
