CHAPTER 41
"WHAT DO you want to have, ma'am?"
Ilang beses nang tinanong si Hera ng isang flight attendant pero sadyang hindi niya magawang lingunin man lang ito. Mabuti na nga lang at iyong seat number niya ay natapat sa may bintana, mas mare-relax nang kaunti ang pakiramdam niya. Akala niya lang iyon. Dahil kahit anong ganda ng tanawin na nakikita niya, hindi pa rin nababawasan niyon ang bigat na nararamdaman niya.
Hindi niya alam kung malakas ba ang pagkakahikbi niya. Sinusubukan niya naman iyong pigilan pero talagang kumakawala sa kaniya ang impit na hikbi. Gusto niyang humingi ng pasensya sa mga taong ang gusto lang naman ay magpahinga at matulog sa byahe pero nang dahil sa pag-iyak niya, hindi nila magawa iyon.
Kaya naman, nagdesisyon si Hera na tumayo. Hilam ang m
