Nakatulog ulit ako dahil marahil sa ininom ko na gamot at isa pa ay pinilit na ako na makapagpahinga ni Light.
At nang muli akong magising ay nakita ko si Kari na umiiyak na nakayakap sa akin.
"Akisha diyos ko! anong ginawa nila sa iyo?" Umiiyak niyang tanong kaya napaiyak na rin ako.
Nagsumbong ako dito at kahit hirap pa akong magsalita ay sinabi ko dito ang lahat ng nangyari.
"Sorry Kari, kung nakinig lang ako sa'yo pero kasi si daddy ang tumawag." Mahina kong bulong kaya napailing lang ito at hinawakan ng mahigpit ang kamay ko.
"Hindi ako makapaniwala na sasaktan ka nila ng ganun na lang." Galit nitong turan mayamaya kaya napatitig ako dito.
"Buti na lang dumating si Light." Bulong ko ulit at saka ako napatingin kay Light na walang imik.
"May sa halimaw talaga ang pamilya mo alam
