Chapter Thirty Four
A G A P E
PIGIL ang paghinga ko habang dahan-dahang lumalapit sa akin si epsilon. Hindi ako makaalis sa kinatatayuan ko dahil hawak ako sa magkabilang braso ng dalawang lalaking ito.
Sinubukan kong igalaw ang magkabilang kamay ko pero hindi ko iyon maalis, mukhang mahigpit ang pagkakahawak nila sa akin.
Unti-unting naglakad papalapit sa akin si epsilon, may bakas ng panganib at pagkamangha ang malamig niyang mga mata.
Huminto siya sa harapan ko nang ilang pulgada nalang ang layo niya sa akin.
Parang nanunuyo ulit ang lalamunan ko habang pinagmamasdan kung gaano siya kalapit sa akin, may katangkaran din siya at ilang pulgada rin ang tangkad niya sa akin. Ang kanyang itim na shirt at shorts ay mas lalong nagpinta sa kanyang mapanganib na aura.
Isang ngisi ulit ang
