Chapter Thirty Five
A G A P E
NANGINIG ang braso ko habang sinusubukang ibalanse ang sarili mag-isa rito sa safety net na naka-attached sa dulo ng rooftop.
"B-Bakit mo ko h-hinatak?" Mangiyak-ngiyak kong tanong sa lalaking ito.
Gusto ko lang naman siyang tulungang makaakyat ulit sa rooftop pero imbis na tanggapin ang tulong ko ay hinatak niya pa ako pababa rito. Tapos ay bigla siyang umakyat mag-isa at iniwan ako.
"Hm." Isang tunog--na parang pigil na tawa ang pinakawalan ng lalaki ako.
"Hindi ko naman sinabing tulungan mo 'ko," aniya habang mukhang pinipigilan ang pag-usbong ng ngisi sa kanyang mukha.
Kinagat ko ang labi ko at hindi nakapagsalita. Tama naman siya. Pero hindi naman niya ako kailangang hilahin din papunta rito!
Biglang humangin nang malakas kaya medyo umuga ang safe
