Chapter Thirty
A G A P E
KAGAT-KAGAT ko ang labi ko habang tahimik na naglalakad dito sa Weekened Special Mall, ang isang kamay ko ay mahigpit na hawak ang isang bagay sa loob ng bulsa ng pantalon ko.
Ang i.d. ni Annie.
Paggising ko kasi ay inayos ko saglit ang gamit ko para bukas. Saka ko nakita na naitabi ko nga pala ang i.d. ni Annie--ang babaeng nakita ko sa loob ng mall na ito kahapon.
Pero ilang oras na ako rito ay hindi ko pa rin nakikita ang bakas niya. Kung tutuusin ay dapat madali lang siyang makita. Dahil sa pagkakatanda ko kahapon ay matangkad na babae si Annie, isa pa ay matagal kong tinitigan ang mukha niya sa i.d. kaya nakabisado ko na ang mukha niya.
Pero kahit saan banda ako pumunta ay hindi ko talaga siya makita. Bumuntong-hininga ako nilingon ang digital clock sa
