"Mag-aaral talaga tayo?" Nanlulumong tanong ko nang makita ang mga librong inilalabas niya sa bag na dala niya.
Tumango siya. "Oo naman. Ano bang gusto mong nangyari?"
Napabuga ako ng hangin sa ere at walang ganang naupo sa tapat niya. "Sabi ko nga, mag-aaral, e."
Akala ko naman ginamit niya lang na palusot 'yong pag-aaral para makapunta rito at makapagkwentuhan kami sa shinigami. Iyon pala, mag-aaral talaga kami.
"Tinatamad ka ba, Misaki?"
Lumipat ang tingin ko sa kanya. Nagbubuklat siya ng mga libro at mukhang may hinahanap na particular lesson.
"Hindi ba halata? Sabadong-sabado kaya. Deserve nating mga estudyante na magpahinga muna,"
"Aba, may nalalaman ka pang gan'yan ngayon, ah."
I eyed him. "Totoo naman, e."
He laughed. "Oo nga po. 'Wag ka na magalit d'yan, kaya ka napap
