Mula nang umamin sa'kin si Ezrel na gusto niya ako, nagpatuloy na rin siya sa pagiging sweet sa'kin na hindi ko maintindihan. Naiilang ako na ewan sa kanya.
Wala namang masama sa pagkahulog niya sa'kin pero sa totoo lang, gusto ko na mag-stay kami bilang friends lang. Marami kasing mga bagay na pwedeng mangyari kung sakaling magkakaroon ng ibang feelings bukod sa pagiging magkaibigan.
"Misaki, maglu-lunch ka na naman nang hindi ako sinasamahan, 'no?" May pagkainis na wika nito sa'kin habang hawak-hawak ang wrist ko.
Mahinahon lang ang paghila niya sa'kin at halatang ingat na ingat.
"Hindi naman. Akala ko kasi may gagawin ka pa kaya nauna na akong lumabas." Palusot ko.
Ang totoo niyan, uuna na talaga ako dapat sa kanya. Gusto ko siyang makasama pa rin naman, lalo na sa pag-aaral s
