I was stuck staring at him. Hinahabol niya ang kanyang hininga at halatang pagod din. Bumulagsak ito sa sahig habang hawak-hawak ang isang braso niya. Noon ko lang napansin na putol ito at patuloy ang pag-agos ng dugo.
Ngayon lang nagising ang diwa ko. Masyado akong nagulat sa pangyayari na para bang bigla nablangko ang pag-iisip ko.
"E-Ezrel!"
Nilapitan ko siya agad. Hindi ko malaman ang gagawin ko. Hahawakan ko ba ang braso niya? Ayaw nitong tumigil sa pagdudugo. Namumutla na si Ezrel. Anumang oras ay maaari siyang mamatay dahil sa blood loss.
Pinunit ko ang suot kong t-shirt at mabilis iyong binilot sa putol niyang braso.
"A-Ayos ka lang ba?" Hinigpitan ko ang pagkakatali, dinig ko ang mahina niyang pag-ungol dahil sa sakit. "S-Sorry..." Nanginginig ang kamay ko habang inaayos
