MATAPOS makausap ni Andrea ang lola Annaliese niya sa phone, lumabas siya ng villa para hanapin si Theon. She didn’t hear his private chopper arrive at the resort, so she knew he was still here. Maliban na lang kung sumakay ito ng yate.
Sa hitsura nito kanina, hindi iyon imposible. Pero susubukan pa rin niya itong hanapin sa paligid.
Napansin niyang marami ng mga bodyguard na nakakalat sa paligid ng resort. Wala pa ang mga ito kaninang madaling araw nang dumating sila rito ni Theon, kaya tiyak niyang kasabay ng pagdating ng mga Villanueva at mag-asawang Montenegro ang mga ito.
Hindi naman siya ng mga ito sinisita o pinagbawalang maglibot kaya nagpatuloy siya sa paghahanap kay Theon.
Nagpalinga-linga siya sa paligid. Ang ganda ng buong resort at ang sarap sanang maglunoy sa malawak na p
