Mula palang nang bumaba si Apollo mula sa itim at bagung-bago nitong Maybach ay naagaw na nito ang lahat ng atensiyon. Napatingin dito ang mga taong nandodoon. Walang mata ang hindi tumuon sa bawat paghakbang ng mga paa nito—hakbang na puno ng katiyakan at katatagan. Puno ng kumpiyansa. Maawtoridad ang kabuuan nitong presensiya. Nakakaintimida.
Ang sinag ng araw na tumatama rito, ay lalong nagpapatalas sa anggulo ng mukha ng CEO. Sabay-sabay ang naging pag-alpas ng singhap mula sa mga taong nakapaikot kay Ahtisa nang lapitan siya ni Apollo Altieri. Gumapang ang masarap na kilabot sa balat niya nang dumaiti ang likod ng kamay nito sa pisngi niya matapos nitong hawiin ang ilang hibla ng kanyang buhok na nakalambitin sa tapat ng kanyang mukha.
Tumingala siya rito, napalunok. Ang gandang l
