Sa sobrang higpit ng pagkakakuyom ng mga kamay ni Apollo sa manibela ng sasakyan ay halos mamuti na ang buko ng mga kamay niya, pero ang dulo ng kanyang mga daliri ay namumula. Mariin din ang pagkakatapak niya sa gas pedal.
Hindi niya alam kung saan nanggagaling ang nag-aalimpuyong kaba na paikut-ikot sa loob ng kanyang dibdib. Kanina pa siya panay buga ng hangin—hihinga nang malalim, tapos ay marahas na ibubuga iyon. Paulit-ulit. Na para bang kapag hindi niya ginawa iyon ay hindi siya makakahinga nang maayos.
What the hell is wrong with me? paasik niyang tanong sa sarili, nagtatagis ang mga bagang at mas lalo pang diniinan ang paa sa gas pedal. Sa speedometer ng dashboard ay makikitang umaabot na ng 140 kilometers per hour ang bilis ng pagpapatakbo niya. Kung iisiping maigi ay halos lu
