Maririnig ang tunog ng sapatos ni Apollo na paulit-ulit na lumalapat sa solidong sahig na gawa sa pinakintab na kahoy, umaalingawngaw sa kabuuan ng katamtamang laking opisina. Pabalik-balik siyang naglalakad—paroo’t parito sa loob ng silid—hindi mapakali. Nakakunot ang noo niya at mahigpit na nakatikom ang mga kamay niya sa tagiliran.
Hindi niya magawang umupo, dahil ang tensiyon sa katawan niya ay nagpapaalumpihit sa kanya. Kailangan niyang gumalaw, sapagkat nalulunod ang utak niya sa pagkabahala. Nag-aalala siya kay Ahtisa. Kumusta na kayo ito? Ang bilin niya kay Dr. Domingo ay puntahan kaagad siya kapag natapos na nitong suriin ang kabuuang kundisyon ni Ahtisa. At kanina pa siya naghihintay, subalit hindi pa rin ito dumarating.
Mayamaya nga ay maririnig na ang marahang pagkatok ng k
