Chapter 52: FISHY
Morphie “ALAM mo Noah, marami nang nakahahalata na mukha ka raw bakla. Siguro, kailangan mo nang aminin kung ano nga ang katotohanan,” ang saad ko kay Noah habang abala kaming dalawa sa pagtanggal ng kaliskis ng mga nahuli naming isda. Kami ang naatasang gumawa nito ni Kapitan. Sawa na raw kasi siya sa puro ihaw lang kaya nais naman niyang makatikim ng ibang luto ng isda. Maisasakatuparan lang ang hiling niya sa pamamagitan ni nay Indang. Ang matandang hinasa na ng panahon ang kagalingan sa pagluluto. “Gusto mong ipakain ko sa iyo ng buo itong mga isda nang malaman mo ang pinagsasabi mo?” ang supalpal nito sa sinabi ko sa kaniya. “Kahit aminin ko sa lahat kung ano ako- ang tunay kong pagkatao, wala silang magagawa dahil ito ang buhay na pinili kong tahakin. Wala na silang pake roon, ba
- Writer
