Isang linggo na ang nakalipas nang makabalik sila ni Akio mula sa honeymoon nila. Nakaalis na rin si Pamela patungo sa America para doon na muna ito mag stay at ipagpatuloy ang pag-aaral nito. Si Pao naman nakakulong na ang kasama nitong babae. Nabigyan na ng hustiya ang ginawa ng mga ito sa kapatid niya.
Sa pagsasama naman nila nila ni Akio masasabi niyang maayos ang lahat. Smooth at halatang bagong kasal pa lang sila sa sobranh sweet pa nila sa isat-isa. Hatid, sundo siya ng asawa sa eskwelaan pati na sa trabaho. Pagdating naman sa bahay siya na ang nag-aasikaso ng lahat mula sa damit na isusuot ng asawa sa trabaho hanggang sa pagkain sa almusal at dinner. Personal na rin siyang namamalengke at grocery para mabili niya ang lahat ng kailangan niya sa paghahanda ng pagkain sa asawa. Kapwa
