Habang nasa biyahe sila ni Lance ay hindi niya ito narinig na magsalita man lang kahit na isang salita.Tahimik lang itong nagmamaneho, at alam niyang ang daan na tinatahak nila ay ang daan pauwi sa bahay niya.
Nakita niya ang mga labi nito na mariin lamang na magkalapat, para bang pigil na pigil ang emosyon nito na ipakita sa kanya. Nanatili naman siyang tahimik habang nakamasid lamang sa labas ng pinto ng sasakyan. Parang ang daming nangyari sa maghapong nagdaan para sa kanya. Para sa kanya ay hindi ganoon kadali ang lahat. Na sa isang iglap lang ay nagbago bigla ang lahat ng mga plano niya sa buhay dahil sa biglang pagsulpot ni Leo sa buhay nilang mag-ina.
Oo, at tanggap niya na maaaring magkrus ang landas nila ni Leo at malaman nito na si Allison ang naging anak nila. Pe
