Ilang minuto ng nakatulala si Sheryll habang nasa ilalim ng shower; ang mahihinang kurot ng patak ng malamig na tubig sa kanyang katawan ay hindi niya na madama ng mga sandaling iyon, kahit ang pagdampi noon sa kanyang balat ay wala ng epekto dulo’t ng kanyang nadarama.
Hindi niya nagugustuhan ang nararamdaman ng mga sandaling iyon; gulong-gulo, wala sa sarili, at tila unti-unti nanaman na dinuduro ang kung ano sa kanyang kaloob-looban. Isang bagay na hindi niya lubos akalain na mararamdaman niya pa muli kay Raymond.
Walang hikbing maririnig sa kanya kahit sumasabay sa agos ng tubig ang mga luhang unti-unting kumakawala sa kanyang mga mata.
"Sweety?" malumanay sa saad ni Raymond.
Mabilis ang panginginig ng kanyang katawan nang madama na lamang maiinit na palad nito sa kanyang balikat,
