"Bye sweety." Halik ni Raymond sa kanyang pisngi matapos nitong maubos ang niluto niyang agahan.
Nandoon nanaman ang pagkayanig ng kanyang pakiramdam dahil sa ginawa nito, kaya naman minabuti niyang wag na munang tumingin dito.
Hindi na siya nakakilos kaagad dahil sa pagkaabala niya sa pagpapakain sa tuwang-tuwang si Vladimir, nangungulit pa kasi ito sa kina-uupuan na baby chair sa kanyang tabi.
"Ingat ka," nasabi niya na lamang nang halikan nito ang anak na punong-puno pa ng pagkain ang mukha.
Naroon naman ang tila subok na paghablot ni Vladimir sa ama ng lumayo ito, kaya naman agad niya na lang hinawakan ang kamay ng paslit para hindi nito madumihan ang suot ng lalake.
"I might come home late, don't wait for me," saad ni Raymond habang naglalakad paatras.
"Okay." Ngiting bali
