CHAPTER 54
ALUMPIHIT NA napatayo si Pink mula sa pagkakahiga. Tumutulo ang luha nito habang nakatigtig sa puting pader ng kwartong iyon. Ramdam ang takot at pagkabagabag sa mga mata ni Pink kaya naman mas nabahala si Patrick.
"Ate..."
"Pink, everything's going to be alright," nginitian niya ito ngunit kahit siya ay taliwas na rin ang nararamdaman. Lalo na ngayong nawawalan na siya ng pag-asang makikita pa si Violet at Russ.
Ayon sa kanyang ama, alam na ni Helga na buhay si Pink at Violet. Ang mga tauhan nito ang dahilan ng trahedya ngayon sa kanilang buhay. Hindi niya makakalimutan ang araw na tinurukan niya si Pink ng pangpatulog para lamang tumigil sa pagwawala at huwag hanapin ang kapatid. Nagkagulo ang lugar kung saan idinaos ang foundation day. Lahat nakabalik matapos
