CHAPTER 41
HINDI PA RIN matanggap ni Violet ang kahihiyang nagawa kahapon sa bahay ng taong kinaiinisan niya. Nagtataka rin siya sapagkat, hindi manlang ito nagalit sa kanya noong magulo niya ang lahat ng naroon.
Alam niya ang kapasidad ng kanyang katawan. Saka lamang siya hihinto sa pagwawala kapag nag-collapse siya. Kaya naman, ikinukulong o itinatali niya ang sarili noong nasa mansyon pa siya. Nakabantay rin ang kanyang Tito Jude kapag nangyari iyon. Hindi naman nakakalabas ng kwarto si Pink hangga’t hindi natatapos ang kanyang pagdurusa.
Hindi niya alam kung anong ginawa Russ upang mapatigil siya kaya naman napakalaking palaisipan nito sa kanya. Umiling siyang muli. Kung maaari ay hindi siya magpapakita kay Russ, o kahit sa anino nito.
Nasa loob na siya ng school ngun
