SINUOT NI AMARI ang neck pillow na binili niya sa airport. Ipinasak niya ang earphones sa tainga saka itinutok sa bintana ang mga mata. Malikot ang mga kabataang katabi niya sa hilera ng upuan. Nang masiko siya ng dalaga ay naging matalim ang paglingon niya rito. Agad itong pumirmi sa kinauupuan nito. Sa kabilang hilera ay nakita niya si Alejandra na kumakaway. Malapad ang ngiti nito. Tinanguan niya ito at nag-thumbs up.
Hinanap niya ang pwesto ni Jelly. Nakaupo ito sa harapan malapit sa emergency exit door ng eroplano.
Muli na naman siyang nasagi ng katabi niyang dalaga. Napipikon na siya sa kaharutan ng babae. Nakikipag-kwentuhan lang naman ito sa kasama nitong lalake. Naririndi na rin siya sa lakas ng boses ng nasa paligid niya. Puro kabataan ang lulan ng eroplano. Siguro ay may biy
