NAGMUMUKMOK SI AMARI. Napagalitan na naman siya ng boss niya dahil hindi maganda ang performance niya nitong mga huling araw. Tila laging distracted ng kung ano.
Sino pala dapat. Hindi matahimik ang isipan niya simula ng huling pag-uusap nila ni Samael. Hindi na tumigil ang maligalig niyang utak kaiisip dito kung ano ang ginagawa nito, kung sino ang kausap, kung anong pinagkakabalahan.
Nasanay siya sa presensiya nito. Ngayong biglaang naputol ang koneksyon nila, kahit na ang sabi nito ay ite-text at tatawagan pa rin siya, ay mahirap para kay Amari kung paano umakto sa araw-araw na wala ito.
Gustuhin man niyang siya ang mag-initiate ng usapan ay hindi niya magawa dahil kay Samael na rin nanggaling na pipiliin nitong mag-move on muna kaysa unahin silang dalawa gayong hindi pa maayos ang
