GALIT SI AMARI SA SARILI at kay Samael. Pakiramdam niya ay hinuhusgahan nito ang buo niyang pagkatao. Sino ito para iparamdam sa kanya iyon? She hates his gut.
Labis na paninibugho ang umaahon sa kanyang puso. Masakit para sa kanya ang nakitang pagkabigo sa mukha ni Samael. Ang opinyon nito ang matimbang sa kanya, higit kanino pa man. Wala, eh. Parang sinasamba niya na ang tao kung gano’n. Mas mahalaga pa ang masasabi nito kaysa sa mga magulang niya.
Ayaw na ayaw niyang nanliliit siya sa paningin ng mga tao. Lumulubog siya sa kinatatayuan niya. Gusto niyang magtago mula sa mundo.
Nakakaasar. Sinunod niya lang naman ang kagustuhang makipagkita ni Samael. Tapos heto, sumama lang ang loob niya.
Hindi na niya alam kung saan ang tinutumbok ng mga paa niya. Malabo na ang paningin niya dahil
