ANG AGA-AGA NAMAN NIYAN, sa isip-isip ni Amari. Natutulog pa siya. Day off niya sa hotel. Pwede bang wala munang mang-istorbo sa kanya. At sino ba itong istorbo na ito?
Sinilip niya ang phone niya na kanina pa vibrate ng vibrate sa kama niya. Gusto niya na tanghali na siya babangon mula sa kama niya pero hindi. Kung anumang trip ni Keeno, siguraduhin nitong worth it ang paggising niya sa umaga.
Nang muling nag-ring ang phone niya ay sinagot niya na iyon.
“O?” aniya.
“Saan ka ba? Kanina pa ako tumatawag.” Parang ito pa ang galit.
“Bakit ba?” inis na tanong niya. “Ang aga mo naman mambulahaw.”
“Malapit na ako sa inyo. Pagbuksan mo ako ng pinto,” sabi naman nito.
Mas lalo siyang nainis. “Anong gagawin mo? Bakit wala kang pasabi? Ayaw na ayaw ko ng ganyan, alam mo ‘yan. Parang ewan nama
