MAY FAMILY GATHERING ang mga kamag-anakan ni Amari. Binyag ng bagong miyembro ng kanilang pamilya. Pamangkin niya iyon sa pinsan. Um-attend sila sa simbahan at pagkatapos niyon ay diretso na sa isang Filipino restaurant.
Kasama niya ngayon ang kanilang magulang. Manaka-nakang nagsasabi ang kanyang ina na ireto siya sa mga kakilalang binata para magka-boyfriend na raw. Agad siyang lumalayo sa kanyang mga tiya na nais maki-tsismis.
Sa isip-isip niya ay huwag naman nga po sanang patulan ang sinabi ng kanyang ina. Halos kilala na niya ang mga Pilipinong kaedaran niya rito. Kung hindi man, malamang ay may makakapagsabi pa rin sa kanya kung anong past meron ang taong mahanap na ireto sa kanya. Hindi sa naka-focus siya sa past ng isang tao. Past na nga, eh. Ang point niya lang, uso rito ang t
