“HMMM, MASARAP,” komento ni Ari na muling humigop ng sabaw. “Humahaplos iyong init, syet.”
Sumubo na rin si Samael ng niluto nitong nilagang baka. “Sabi ko sa iyo, eh. Ako'ng bahala. Ang sarap, ‘di ba?”
“Yup. Ang sarap,” ulit niya pa habang nakatitig dito. Nakatingin lang din ito sa kanya. Mabilis niyang inilayo ang paningin at itinutok ang mga mata sa telebisyon. Sana lang ay hindi siya ipinagkakanulo ng mukha niya. Mabilis pa naman siyang mamula kapag napapahiya. Pinipilit niyang i-relax ang kanyang mukha.
Masarap iyong pagkain talaga. Iyong pagkain lang. Wala nang iba. Okay?
Gusto niyang tampalin ang pisngi niya. Nararamdaman niyang nag-iinit iyon. Kalma ka lang, self, kausap niya sa sarili niya.
Iniba niya na lang ang usapan para hindi na naman siya mapahiya. “Oy,” tawag-pansin
