ALAS NUEBE nang umaga sa isang private resort sa Nasugbu, Batangas. Hindi na tumuloy ang grupo ni Adrielle sa Apolo Hotel kagabi para masigurong hindi sila masususndan doon ng mga taga-NBI at PDEA. Sa resort na sila tumuloy ayon na rin sa instruction ng head bodyguard ng Daddy nila na si Emman.
Isang malalim na buntong-hininga ang pinakawalan ni Cougar bago siya tuluyang kumatok sa pinto ng cottage na tinutuluyan ni Adrielle. Hindi na sila nagkita ng babae kagabi pagdating ng mga ito dahil inutusan siya ni Russet na bumili ng beer at magpagasolina ng sasakyan. Nakalimutan kasi nito noong dumaan sila sa isang gasolinahan habang bumibiyahe patungo sa Batangas. Pagbalik naman niya ay naroon na sa cottage nito ang babae at ang sabi sa kanya ni Kimhan ay ibigay daw niya kay Adrielle ang briefc
