Maraming puting bulaklak siyang nakikita sa paligid. Tila isa itong Paraiso na minsan niyang pinangarap mapuntahan. Humahalimuyak ang mga ito at kay sarap sa kanyang pang-amoy.
“Nasaan ako?” tanong niya sa sarili. Nagpalinga-linga siya kung may tao ba sa paligid pero wala. At ang nakakapagtaka, alam niyang natulog siyang walang saplot. Pero nakasuot siya ngayon ng puting bestida.
Naglakad siya tungo sa kinaroroonan ng lagaslas ng tubig. Napakalinaw ng talon na iyon at tila kay sarap inomin. Umupo siya sa may gilid at dumakot ng tubig. Napakalamig at parang sinasabi sa kanyang uminum siya rito. At ginawa nga niyang uminom. Napaka-sarap sa kanyang panlasa.
“Ano kayang lugar ito? Teka, nasaan ang asawa at anak ko?” muli niyang tanong sa sarili. Ngayon lang niya napansin na wala siya sa
