“Salamat, sandali lang ako rito. Magpapahinga lang. Ako nga pala si Bianca, Bianca Sébastien,” sagot nito.
“Arthur,” maikling pakilala niya.
Habang nakikipag-usap sa babae hindi niya namalayan ang pagdating ng isang sasakyan. Bumaba ang taong sakay nito at lumapit sa kanila. Nakakapagtaka na wala ang ibang kasamahan niya.
“Bianca?” tanong ng boss niya sa babaeng kausap.
Mabilis siyang tumayo at humarap sa kanyang Boss. Mukhang maamo ang mukha pero sa likod nito ay isang nakakatakot na nilalang.
“Boss Igby! Kayo po pala. Naki-upo muna rito si Miss Bianca. Magpapahinga raw sandali,” paliwanag niya sa amo.
Tumango naman ito at bumaling muli kay Bianca.
“Bianca, ano ang ginagawa mo rito?” muling tanong nito sa babae.
Dahan-dahan nag-angat ng mukha si Bianca. Sumilay ang medyo m
