Agad na umuwi si Delsin sa bahay. Nagmamadali siya at hindi na nga niya alam ang gagawin. Hindi niya talaga akalain na ‘yon ang mangyayari. Para sa kanya, isang mabait si Ma’am Beverly. Wala sa itsura niya ang gagawa ng ganoon.
Nagtaka si Oryang kung bakit maaga nakauwi si Delsin. Inis na inis pa ang kanyang bungad kay Delsin eh hindi na nga magkandaugaga ‘yong tao sa nangyayari sa kanya.
“Oh, bakit ang aga mong umuwi? Parang may naghahabol sa iyo. May ninakawan ka ba?” pang-aasar na sabi ni Oryang kay Delsin.
“W-Wala, Oryang. Huwag mo muna akong simulant ngayon dahil may problema ako. Kung pwede lang ay huwag ka na munang magsasalita ng kung ano sa akin at baka kung ano lang ang masabi ko sa iyo,” matapang na sagot ni Delsin, nagtaka naman si Oryang pero hindi na niya tinangkang sumag
