SPENCER
Maraming araw o buwan na ang lumipas. Naging normal na ang takbo ng eskwelahan simula nang mawala ang isa sa estudyanteng pinagluluksa ng mga kaklase at kakilala. Ang isa sa pinaka-respetadong estudyante na mahilig mag-aral, matalino, at kilala bilang isang dalagang matayog ang pangarap sa buhay ay bigla na lang nawala na parang bula. Walang ni isang nakalap na impormasyon tungkol sa dalaga simula ng mamatay ang pamilyang San Jose.
Ang panahon lang ang lumipas at mga tao ang nagbago. Unti-unting naghihilom ang sugat sa puso ng mga taong malapit sa dalaga at sa pamilya San Jose, pero ang lalaking nagngangalang Spencer ay hindi pa rin naghihilom ang sugat na naramdaman dahil hindi pa rin siya makapaniwala na nawala na talaga ang dalaga o mas tamang sabihin hindi pa rin niya tangg
