ERIELA
Naalimpungatan ang dalaga ng may gumalaw sa tabi niya kaya iminulat niya ang kanyang mga mata. Nakita niyang nakatalikod ito sa kanya habang may kausap ito sa kabilang linya. Napakunot ang noo niya dahil nagmamadaling nagsuot ito ng pantalon at para bang natataranta ito. May masama bang nangyayari?
"Oo, ako nga. Sino ka? Bakit na sa’yo ang cellphone? Saan siya? Huh? Ano? What happened to her? Please, don't hang up... Just keep an eye on her. I'll be there."
Akmang magsasalita sana siya nang tumayo na ito at nagmamadaling lumabas ng kwarto. Wala siyang nagawa kundi pagmasdan ang nakasarado na pintuan. Kahit na nahihirapan at kumirot ang sugat niya ay pinilit pa rin niyang bumangon sa kama. Nakangiwi siya at dahan-dahan na iniangat ang sarili sa pagkahiga. Tagaktak ang pawis at nam
