HEIANA
Isang pribadong lugar ng mansion ginanap ang kaarawan ng pamangkin ni Heiana. Mahigpit na pinagbabawal na pumasok ang mga reporter dahil sa utos din niya. Gusto niyang maging pribado ang lahat para rin sa kaligtasan ng dumalo. Ayaw din ng dalaga na marami pang makakaalam na bahay din niya iyon.
Nagkakasiyahan na ang mga tao sa ibaba. Selebrasyon ng anak ni Hillary na si Yenna na pamangkin niya. Lahat nagkakasiyahan sa bawat lamesa, nagkukwentuhan ng kung anu-ano, at kung gaano sila kasaya na dumalo sila sa isang kaarawan ng anak ng prinsesa. Halata sa mukha ng mga ito na sabik na makita ang celebrant na nandoon pa sa itaas. Any minute from now ay baba na rin si Yenna kasama ang ina nito. Halos lahat ng bisita ay galing sa kilalang pamilya, mga negosyante, nagtatrabaho sa gobyerno
