HEIANA
She quickly slid her card through the metal door. Pagpasok pa lang niya sa harden ay agad niyang pinagbuksan ng ilaw ang buong paligid. Walang pwedeng makakapasok rito kundi siya lang at si Atty. Smith. Pinagbabawalan kasi niyang may pumasok dito sa lugar na pinagpapahingahan niya. Natutuwa talaga siyang makita ang mga bulaklak na kanyang tinanim. Noon, culinary ang kinuha niyang course dahil gusto niyang ipagluto ng masasarap na putahe ang mga magulang niya at makapagpatayo ng sariling restaurant, pero nagbago na rin ang pangarap niya. Simula nang magising siya ay palagi siyang nasa harden ng kanyang ina. Pinapanood niya ito, kung paano ito magtanim at mag-alaga ng halaman. Simula noon, palagi na siyang nasa harden ng ina hanggang sa gusto na niyang may sarili siyang paglilibangan
